सये तुझी आठवण
पावसाची सर
अवकाळी, अवचित
खुणा अंगभर
सये तुझी आठवण
जिवाची काहिली
भर उन्ह वाटतसे
शीतल सावली
सये तुझी आठवण
मुठीतला पारा
मिठीत येईल कसा
भरारता वारा?
सये तुझी आठवण
साठते डोळ्यात
आसवे कोरडी अन्
झिरपे गळ्यात
सये तुझी आठवण
मनात रुतली
गुलाब शोधाया गेलो
काट्याला फितली
सये तुझी आठवण
तुझ्याच सारखी
नको तिथं भेटे अन्
एकांती पारखी !
- अमोल
ऑगस्ट 21, 2009 at 11:49 सकाळी
छान. सुरेख.
विशेषतः
“सये तुझी आठवण
साठते डोळ्यात
आसवे कोरडी अन्
झिरपे गळ्यात”
शेवटही अप्रतीम.
सप्टेंबर 4, 2009 at 3:17 pm
ब्लॉग छान आहे !! मी कायम वाचतो
खुप दिवसात नविन काही टाकले नाहीत तुम्ही
सप्टेंबर 4, 2009 at 5:00 pm
धन्यवाद.. लवकरच टाकेन.. वाचत रहा!